Ermənistanın Ararat rayonunun Burastan kəndində sərnişin qatarı ilə minik avtomobilinin toqquşması nəticəsində 2 nəfər ölüb, 2 nəfər yaralanıb.
Kriminal.Az Ermənistan KİV-ə istinadən xəbər verir ki, bu barədə ölkənin Daxili İşlər Nazirliyinin Mətbuat Xidməti məlumat yayıb.
Qeyd olunur ki, qəza dəmir yolu keçidində baş verib.
İrəvan-Yerasx marşrutu ilə hərəkət edən sərnişin qatarı VAZ markalı minik avtomobili ilə toqquşub.
