"Mercedes-Benz" və Almaniya Federal Avtomobil Nəqliyyatı İdarəsi "AMG One" hiperkarlarının geri çağırıldığını elan ediblər. Bildirilir ki, avtomobillərdə yanğın riski mövcuddur.
Kriminal.az milli.az-a istinadən xəbər verir ki, istehsal olunan 275 avtomobildən 219-u, yəni təxminən 80%-i təmirə ehtiyac duyur. Bu avtomobillərin 183-ü Almaniyada yerləşir.
Qeyd olunur ki, problem mühərriklə bağlı deyil. Yanğın riski aktiv arxa qanadın hidravlik ötürücüsündəki nasazlıq səbəbilə yarana bilər.
