ABŞ-də uçuş zamanı sərnişin təyyarəsinin mühərriklərindən birində yanğın baş verib.
Kriminal.az xəbər verir ki, bu barədə BBC News məlumat yayıb.
Məlumata görə, "Delta Airlines" aviaşirkətinə məxsus "Boeing 767-400" tipli təyyarənin Los-Ancels Beynəlxalq Aeroportundan havaya qalxdığı vaxt baş verib.
Atlantaya uçmalı olan təyyarənin mühərriklərindən birində alovlanma qeydə alınıb.
Pilotlar dərhal qərar verərək təyyarəni Los-Ancels aeroportuna geri qaytarıblar. Ehtiyat tədbiri olaraq həyata keçirilən eniş uğurla başa çatıb və sərnişinlər arasında xəsarət alan olmayıb.
Hadisənin səbəbləri araşdırılır.(Milli.Az)
