Alimlər Günəşin üstündə quşa bənzəyən və Yer planetindən 10 dəfədən çox böyük olan sirli optik obyekt qeydə alıblar.
Kriminal.az Publika.az-a istinadən xəbər verir ki, bu barədə Rusiya Elmlər Akademiyasının Kosmik Tədqiqatlar İnstitutunun Günəş Astronomiya Laboratoriyasının Telegram kanalında məlumat verilib.
"Dünən LASCO teleskoplarından biri tərəfindən çəkilmiş gözəl və bir qədər müəmmalı görüntü paylaşılıb. Şəkildə sanki aydın şəkildə bir quş və ya alovlu iz buraxaraq uçan bir uçan aparat görünür", - hesabatda deyilir.
Qeyd edilib ki, “quş”un qanadları təxminən 150 min kilometrdir və Günəşdən təxminən iki milyon kilometr yüksəklikdə uçur. Müqayisə üçün qeyd edək ki, Yerin ekvatorial diametri 12754 km, qütb diametri isə təxminən 12712 km-dir.
Obyektin şəkli dünən Bakı vaxtı ilə saat 11:00-da alimlər tərəfindən çəkilib.
